“A un dios desconocido”
Los llatíos apurren
o polo menos acompanguen
l’aliendu ciclista y l’aliendu illusionista
Filtra’l pasáu
nun torna namás
Trespasa’l presente
nel ausente
Esmuzse
azarientu, conocíu
el futuru.
“A UN DIOS DESCONOCIDO”, filme dirigido por Jaime Chavarri.
“Hannah and Her Sisters”
Hermanes de Hannah:
Espáñenmos les necesaries tiestes
Sospréndanla espardida
a la perfeuta axuntada
Sopésenla
y quiciabes esto algame
Llogren
más de lo qu’imaxinaben:
Lo suficiente.
“HANNAH AND HER SISTERS” (“HANNAH Y SUS HERMANAS”), filme dirigido por Woody Allen.
“Another Woman”
Afáyome
(mal
nesti concentráu)
nes duldes la embarazada
y el fracasu resultante
de llargu allistamientu
¿desembarazáu?...
“ANOTHER WOMAN” (“LA OTRA MUJER”), filme dirigido por Woody Allen.
“Husbands and Wives”
Doliosos
infestaos
milicianos
d’estolaxa
matrimonialiega
comenten
los sos espolinos
y posiciones
emblemátiques
a inquisitivos
porgoyosos
en desendolques
controvertíos.
“HUSBANDS AND WIVES” (“MARIDOS Y ESPOSAS”), filme dirigido por Woody Allen.
“Damage”
Espierta a lo que ve
trancando pautos
elli espierta, elli ve
¿Atalanta elli
una añada frenética?
¿Y qué otres rodiaes
elli imaxina?:
Cualisquiera:
N’aquella ocasión
una llende.
“DAMAGE” (“UNA VEZ EN LA VIDA”), filme dirigido por Louis Malle.
